Дэлхийн бүхэл бүтэн хотыг сүйрүүлэх чадалтай асар том астероид бямба гарагт дэлхий сарны тойрог замын хооронд нисэн өнгөрчээ. Америкийн сансар судлалын НАСА агентлагийн мэдэгдэж байснаар азаар дэлхий болон сартай мөргөлдөөгүй байна.

2023 DZ2 хэмээх астероидын диаметр нь 40-90 метр юм. Гринвичийн цагаар 19:49 (Улаанбаатарын цагаар 12:49 цаг) цагийн орчимд дэлхийгээс 175 мянган километрийн зайд өнгөрчээ. Ийм том астероидууд манай гарагт ингэж ойрхон ирэх нь ховор үзэгдэл аж. Одон орон судлаачид астероидын нисэн өнгөрөхийг арван жилд нэг удаа тохиолддог үйл явдал гэж үздэг байна.

Астероид ойрхон өнгөрснөөр эрдэмтдэд үүнийг сайтар судлах, тэр дундаа ийм объект дэлхийтэй мөргөлдөх эрсдэл бий болоход бэлтгэлтэй байх боломжийг олгоно гэж НАСА-гаас мэдэгджээ.

Европын сансрын агентлагийн гараг хамгаалах хэлтсийн дарга Ричард Мойсл "Энэ "хот сүйрүүлэгч" дэлхийтэй мөргөлдөх эрсдэл тэгтэй тэнцүү ч бидэнтэй ойрхон зөрж өнгөрснөөр ажиглалт хийх гайхалтай боломжийг олгох болно" гэж  хэлж байв. "2023 DZ2 нь сонирхол татаж байгаа ч эрдэмтэд астероидын бүтцийг хараахан тогтоогоогүй байна, үүнд илүү их мэдээлэл хэрэгтэй" гэж тэрээр хэлсэн байна.

Эх сурвалж: ВВС