Боксын эмэгтэйчүүдийн насанд хүрэгчдийн ДАШТ-ий хамгийн хөнгөн буюу -48 кг жингийн аваргын төлөөх тулаан зохион байгуулагч Энэтхэг орны тамирчин болон Монголын боксчны хооронд боллоо.

Азийн аваргын хүрэл медальт Лутсайханы Алтанцэцэг Энэтхэгийн Ниту Нитуд 5-0 харьцаагаар ялагдаж мөнгөн медаль хүртлээ.

Л.Алтанцэцэг хоёр өдрийн өмнө Марокко улсын тамирчныг 5-0 харьцаагаар ялж мөнгөн медалийн болзол хангасан бөгөөд түүний өмнө Узбекистаны тамирчныг 5-0-ээр ялж хүрэл медалийн болзол хангаад байсан юм.

Энэ удаагийн ДАШТ-ээс Монголын шигшээ баг түүхдээ анх удаа хоёр медаль хүртэж байгаа бөгөөд -54 кг жинд М.Энхжаргал мөн анх удаа хүрэл медаль хүртсэн билээ.

ДАШТ-д Монголын шигшээ багийн 8 тамирчин оролцсоноос

1. -50 кг жинд Б.Мөнгөнсаран Туркийн тамирчныг ялж шигшээ 32-т шалгарсан, шигшээ 32-т Испанийн тамирчинд ялагдаж тэмцээнээ дуусгасан
2. -52 кг жинд О.Есүгэн Тайландын тамирчныг ялж, шигшээ 16-д Мозамбикийн тамирчныг ялж шөвгийн наймд шалгарсан
3. -50 кг жинд М.Намуун Колумбийн тамирчинд ялагдаж тэмцээнээ дуусгасан
4. -54 кг жинд М.Энхжаргал Вьетнамын боксчныг ялж шигшээ 32-т шалгарсан, Мароккогийн тамирчныг ялж шигшээ 16-д шалгарсан, Бразилын тамирчныг ялж шөвгийн наймд шалгарсан, Италийн боксчныг ялж хүрэл медалийн болзол хангасан, Колумбийн тамирчинд ялагдаж хүрэл медаль хүртсэн
5. -60 кг жинд Т.Номин-Эрдэнэ Японы тамирчинд ялагдаж тэмцээнээ дуусгасан
6. -48 кг жинд Л.Алтанцэцэг Францын тамирчныг ялж шигшээ 16-д шалгарсан, Хятадын тамирчныг ялж шөвгийн наймд шалгарлаа, Узбекистаны тамирчныг ялж хүрэл медалийн болзол хангасан, Мароккогийн боксчныг ялж мөнгөн медалийн болзол хангасан. Мөнгөн медалийн төлөөх тулаанд өрсөлдөгчөө 5:0 харьцаагаар ялж алтан медалийн төлөөх тулаан хийхээр боллоо.
7. -66 кг жинд М.Цэцэгдарь Японы тамирчныг ялж шигшээ 16-д шалгарав, шөвгийн наймын төлөөх тулаанд ялагдаж тэмцээнээ дуусгав
8. -63 кг жинд У.Шинэцэцэг Францын тамирчинд ялагдаж тэмцээнээ дуусгасан.