ICT EXPO: Юнител группийн интерактив үзэсгэлэнгээс ТА 5G ӨНДӨР ХУРДЫГ МЭДРЭЭРЭЙ

Ирээдүйн технологийн шинэ дэвшил, чиг хандлагыг бодитоор мэдрүүлдэг “ICT EXPO 2023” үзэсгэлэнгийн нээлт өнөөдөр Үндэсний соёл амралтын хүрээлэнд боллоо. Амралтын өдрүүдийг дуустал /06.09-06.11/ үргэлжлэх “ICT EXPO 2023”-д Монголын болон Дэлхийн технологийн олон брэндийн төлөөлөл өөрсдийн түүх, туршлага, ололт амжилт, дэвшилтэт бөгөөд инновацлаг бүтээгдэхүүн үйлчилгээгээ олон нийтэд танилцуулж нэг дор чуулах юм. “ICT EXPO 2023”-д Юнител Группын үзэсгэлэнгийн талбай олны анхаарлыг татаж байлаа. Учир нь энд хүмүүс өндөр хурдны 5G сүлжээг өөрсдийн гар утсан дээрээ туршихаас гадна интерактив, роботик, VR үйлчилгээг санал болгож буй нь үзэсгэлэнг сонирхохоор ирсэн олны анхаарлыг татаж, урт дараалал үүсгэсэн байлаа. Юнителийн интерактив үзэсгэлэнгийн талбайгаас та дараах сонирхолтой зүйлсийг мэдрэх боломжтой.