Лигийн шилдэг оноо түүгчдийн нэг Портлэнд Трэйл Блэйзерс багийн хамгаалагч С.Ж.МкКоллум удахгүй болох ДАШТ-д тоглохгүй гэдгээ мэдэгдлээ. Мөн Энтони Дэвис, Жэймс Харден, Эрик Гордон нар ДАШТ-д тоглохгүй хэмээн нэрээ татаад байсан юм.
Жэймс Харден болон С.Ж.МкКоллум хоёр нэрээ татсанаар АНУ-ын шигшээ багт Дамиан Лиллард, Кайл Лаури, Брэдли Бийл, Кэмба Уокер, Донован Мичелл гэсэн хамгаалагчид үлдээд байна.
2016 оны “Амжилт нь Ахисан Тоглогч” болсон С.Ж.МкКоллум өнгөрсөн улиралд 70 тоглолтод оролцож 21.0 оноо, 4.0 самбар, 3.0 оновчтой дамжуулалт дунджилж 45.9%-тай довтолсон бол плэйоффт багаа бүсийн шигшээд шалгаруулж чадсан МкКоллум 24.7 оноо дунджилсан байна.
АНУ-д шигшээгийн бэлтгэлд дуудагдаад байгаа тоглогчид:
- Дамиан Лиллард
- Кайл Лаури
- Кэмба Уокер
- Брэдли Бийл
- Донован Мичелл
- Крис Миддлтон
- Жэйсон Тэйтум
- Харрисон Барнс
- Тобиас Харрис
- Кайл Кузма
- Пол Миллсап
- П.Ж.Такер
- Андре Драммонд
- Брүүк Лопез
- Кэвин Лаав
- Майлс Төрнер
П.Хатансайхан