Хайлт хийх


ФОТО: Өдөрт 500 хүүхдийг эмчилгээ, сургалтад хамруулах “Хөгжлийн бэрхшээлтэй хүүхдийн хөгжлийн төв” нээлтээ хийлээ


  2019-01-25
 

Баянгол дүүргийн 20-р хороо буюу Сонсголонгийн гүүрний зүүн хойно  Моносийн эмийн үйлдвэрийн урд хөгжлийн бэрхшээлтэй хүүхдүүдэд зориулсан анхны төв ашиглалтад орлоо.

БНХАУ-ын Засгийн газрын 30 сая ам.долларын буцалтгүй тусламжийн хөрөнгө оруулалтаар барьсан “Хөгжлийн бэрхшээлтэй хүүхдийн хөгжлийн төв” нь 14990 метр квадрат талбайтай.

Хөдөө орон нутаг, алслагдсан дүүргээс ирсэн хөгжлийн бэрхшээлтэй хүүхдүүд эцэг эхийн хамтаар 14-21 хоногоор хэвтэх боломжтой

Олон улсын стандартад нийцсэн сэргээн засах төв нь 250 хүүхдийн хэвтэн эмчлүүлэх ортой, гадуур амбулатори эмчилгээнд өдөртөө 250 хүүхдэд үйлчлэх боломжтой бөгөөд өдөрт нийт 500 хөгжлийн бэрхшээлтэй хүүхдийг сэргээн засах эмчилгээ, сургалтад хамруулах хүчин чадалтай юм.

Тус төвд хөдөө орон нутаг, алслагдсан дүүргээс ирсэн хөгжлийн бэрхшээлтэй хүүхдүүд эцэг эхийн хамтаар 14-21 хоногоор хэвтэн нарийн багажийн шинжилгээ, оношилгоо, сэргээн засах хөдөлгөөн засал, ахуй засал, хэл заслын эмчилгээ хийлгэхээс гадна протез, ортопедийг хийлгэн авч болох аж.

Үйл ажиллагааны хувьд өдрийн, түр байршуулан сэргээн засах, явуулын үйлчилгээ гэсэн хэлбэрээр үйл ажиллагаа явуулах бөгөөд хүүхдийн хөгжлийн бэрхшээлийн эрт илрүүлэлт, хөгжлийг дэмжих хөтөлбөр, техник технологийг эмчилгээ, оношилгоонд өргөн нэвтрүүлэх чиглэлээр ажиллах болохыг нээлтийн үеэр мэдээллээ.

“Хөгжлийн бэрхшээлтэй хүүхдийн хөгжлийн төв” нь эцэг эхчүүд, багш, эмч, нарийн мэргэжлийн сэргээн засалтын мэргэжилтнүүд, эрүүл мэнд, боловсрол, нийгэм сэтгэлзүйн чиглэлээр суралцаж буй оюутнуудад зориулсан сургалт судалгааны ажлыг хийх юм байна.

Уг төвийг УИХ-ын гишүүн С.Эрдэнэ ХАХНХ-ын сайдаар ажиллаж байхдаа санаачлан улмаар 2016 онд барилгын ажлыг эхлүүлсэн байна. Баянгол дүүргээс 2015 онд газар чөлөөлж, дэд бүтцийн асуудлыг эрчимтэй шийдэж, барилгын ажлыг явуулах нөхцөлийг хангасан гэдгийг тус дүүргийн засаг дарга С.Одонтуяа нээлтийн үеэр онцоллоо.

Манай улсын хувьд 2017 оны байдлаар нийт 103 мянган хөгжлийн бэрхшээлтэй иргэн байгаагийн 11453 буюу 10 хувийг хүүхдүүд эзэлж байна. Эдгээр хүүхдүүдээс

  • харааны бэрхшээлтэй 1281,
  • хэл ярианы 853, сонсголын 848,
  • хөдөлгөөний 2571,
  • сэтгэцийн 2000,
  • хавсарсан 1188,
  • бусад хэлбэрийн 2709,
  • тэргэнцэртэй 594, байнгын асаргаанд байдаг 5648 хүүхэд байгаа юм. 

Нийт хөгжлийн бэрхшээлтэй 11 мянган хүүхдийн 7921 нь цэцэрлэг, сургуульд хамрагджээ.

Гэрэл зургийг Д.Жавхлантөгс




ФОТО: Өдөрт 500 хүүхдийг эмчилгээ, сургалтад хамруулах “Хөгжлийн бэрхшээлтэй хүүхдийн хөгжлийн төв” нээлтээ хийлээ


  2019-01-25
 
Нийтэлсэн:

Р.Адъяасүрэн

Сэтгүүлч

2019-01-25 08:30 GMT+8
Энгийн уншилт
  Товч унших

Баянгол дүүргийн 20-р хороо буюу Сонсголонгийн гүүрний зүүн хойно  Моносийн эмийн үйлдвэрийн урд хөгжлийн бэрхшээлтэй хүүхдүүдэд зориулсан анхны төв ашиглалтад орлоо.

БНХАУ-ын Засгийн газрын 30 сая ам.долларын буцалтгүй тусламжийн хөрөнгө оруулалтаар барьсан “Хөгжлийн бэрхшээлтэй хүүхдийн хөгжлийн төв” нь 14990 метр квадрат талбайтай.

Хөдөө орон нутаг, алслагдсан дүүргээс ирсэн хөгжлийн бэрхшээлтэй хүүхдүүд эцэг эхийн хамтаар 14-21 хоногоор хэвтэх боломжтой

Олон улсын стандартад нийцсэн сэргээн засах төв нь 250 хүүхдийн хэвтэн эмчлүүлэх ортой, гадуур амбулатори эмчилгээнд өдөртөө 250 хүүхдэд үйлчлэх боломжтой бөгөөд өдөрт нийт 500 хөгжлийн бэрхшээлтэй хүүхдийг сэргээн засах эмчилгээ, сургалтад хамруулах хүчин чадалтай юм.

Тус төвд хөдөө орон нутаг, алслагдсан дүүргээс ирсэн хөгжлийн бэрхшээлтэй хүүхдүүд эцэг эхийн хамтаар 14-21 хоногоор хэвтэн нарийн багажийн шинжилгээ, оношилгоо, сэргээн засах хөдөлгөөн засал, ахуй засал, хэл заслын эмчилгээ хийлгэхээс гадна протез, ортопедийг хийлгэн авч болох аж.

Үйл ажиллагааны хувьд өдрийн, түр байршуулан сэргээн засах, явуулын үйлчилгээ гэсэн хэлбэрээр үйл ажиллагаа явуулах бөгөөд хүүхдийн хөгжлийн бэрхшээлийн эрт илрүүлэлт, хөгжлийг дэмжих хөтөлбөр, техник технологийг эмчилгээ, оношилгоонд өргөн нэвтрүүлэх чиглэлээр ажиллах болохыг нээлтийн үеэр мэдээллээ.

“Хөгжлийн бэрхшээлтэй хүүхдийн хөгжлийн төв” нь эцэг эхчүүд, багш, эмч, нарийн мэргэжлийн сэргээн засалтын мэргэжилтнүүд, эрүүл мэнд, боловсрол, нийгэм сэтгэлзүйн чиглэлээр суралцаж буй оюутнуудад зориулсан сургалт судалгааны ажлыг хийх юм байна.

Уг төвийг УИХ-ын гишүүн С.Эрдэнэ ХАХНХ-ын сайдаар ажиллаж байхдаа санаачлан улмаар 2016 онд барилгын ажлыг эхлүүлсэн байна. Баянгол дүүргээс 2015 онд газар чөлөөлж, дэд бүтцийн асуудлыг эрчимтэй шийдэж, барилгын ажлыг явуулах нөхцөлийг хангасан гэдгийг тус дүүргийн засаг дарга С.Одонтуяа нээлтийн үеэр онцоллоо.

Манай улсын хувьд 2017 оны байдлаар нийт 103 мянган хөгжлийн бэрхшээлтэй иргэн байгаагийн 11453 буюу 10 хувийг хүүхдүүд эзэлж байна. Эдгээр хүүхдүүдээс

  • харааны бэрхшээлтэй 1281,
  • хэл ярианы 853, сонсголын 848,
  • хөдөлгөөний 2571,
  • сэтгэцийн 2000,
  • хавсарсан 1188,
  • бусад хэлбэрийн 2709,
  • тэргэнцэртэй 594, байнгын асаргаанд байдаг 5648 хүүхэд байгаа юм. 

Нийт хөгжлийн бэрхшээлтэй 11 мянган хүүхдийн 7921 нь цэцэрлэг, сургуульд хамрагджээ.

Гэрэл зургийг Д.Жавхлантөгс



Холбоотой мэдээллүүд
  • Шинэ мэдээ

  • Их уншсан

  • Их сэтгэгдэлтэй





Хөгжүүлэлт хийгдэж байна. Тун удахгүй танд хүрэх болно.

Та яг одоо вэбсайтын сайжруулалтын альфа хувилбарыг үзэж байна. Энэхүү хэсэг бүрэн дуусаагүй байгаа бөгөөд тун удахгүй танд хүрэх болно.

Санал хүсэлт илгээх

Та өөрт бодогдож байгаа зүйлсийг бидэнтэй илэн далангүй хуваалцахыг хүсэе. Таны санал бидний хөгжүүлэлтийн ажилд маш их тус хүргэх юм.
Танд баярлалаа.

0%
  Товч унших

Дараагийн мэдээ