Хайлт хийх


ЭМЯ-наас эцэг эхчүүдэд зориулан гаргасан ЧУХАЛ ЗӨВЛӨМЖ


  2019-01-16
 

Томуу, томуу төст өвчний дэгдэлт нэмэгдэх нь тодорхой байгаа бөгөөд ид дэгдэлт нь 1-3 сард, хоёр дахь дэгдэлт нь 3-5 сард болох нь гэж үзэж байгаа талаар Эрүүл мэндийн сайд Д.Сарангэрэл мэдээлсэн.

Нийслэлийн хэмжээнд 977 хүүхдийн ор байгаа бөгөөд өнгөрсөн долоо хоногт 723 хүүхэд эмнэлэгт хэвтэж, орны ачаалал 73 хувиар нэмэгдсэн бол энэ долоо хоногт орны хэтрэлт 53.2 хувьтай байгаа аж.

Салбар яамны мэргэжилтнүүд сар шинийн баярын өдрүүдэд онцгой анхаарал хандуулахыг зөвлөөд байна. Тодруулбал, ЭМЯ-ны Шуурхай удирдлагын албаны дарга Д.Нарангэрэл, “Томуугийн тархалт нэгдүгээр сарын 3-4-нөөс эхлэн дэгдэлт хэлбэрээр гарч сүүлийн гурван жилийн дунджаас өндөр байна. Он гараад эхний долоо хоногт хоёр аймагт амьсгалын цочмог халдварын улмаас хоёр хүүхэд нас барсан.

11 аймаг, нийслэлийн хэмжээнд дэгдэлт хэлбэрээр гарсан. Эмнэлэгт хэвтэх, хүндрэх магадлалтай хүүхдийн тоо сүүлийн гурван жилийнхээс мөн өндөр байна. Өнөөдрийн байдлаар лабораторийн шинжилгээгээр томуугийн тархалтын 40 хувийг А хүрээний H1N1 вирусийн тархалт эзэлж байна” гэдгийг мэдээллээ.

Эрүүл мэндийн яамнаас гаргасан зөвлөмжийг хүргэж байна.

ХАЛУУРЧ БАЙВАЛ БҮЛЭЭН ШИНГЭН ТАСРАЛТГҮЙ ӨГӨӨРЭЙ

Хүүхэд 38, 38,5 хүртэл халуурах нь хэвийн. Өөрөөр хэлбэл хүүхдийн дархлаа нь гадны вирустай тэмцэж байгаа хэрэг. Энэ хугацаанд эцэг эх хүүхдээ сайн анхаарах хэрэгтэй.
Ингэхдээ хувцсыг нь гэрийн температурыг мэдэрч нимгэлэх, толгойд нь хүйтэн жин тавих, бүлээн шингэн тасралтгүй өгөх. Шингэн зүйл их өгөх тусам хүүхдийн халуун хөлс, шээсээр нь дамжин гадагшилдаг.

НУСЫГ ТОГТМОЛ ЦЭВЭРЛЭХ ХЭРЭГТЭЙ

Нус гоожих нь хүүхдийн дархлааны систем ажиллаж байгааг илтгэх ба хамгийн гол нь нусыг тогтмол цэвэрлэж, хүүхдийн хамрыг амьсгалахад саадгүй байхад туслах хэрэгтэй. 
Тусгай зориулалтын цэвэрлэдэг бодис, савыг ашиглаж болох ба хүүхдийг нусаа нийж сургахад анхаарах нь зүйтэй.  Нэг нас хүрсэн хүүхдэд нусаа нийх дадлыг эзэмшүүлэхийн тулд та долоо хоног тасралтгүй оролдоход ойлгоод сурч эхэлнэ.

ВИРУС БА НЯН

Эмч нар нянгийн гаралтай, вирусын гаралтай, шинэ төрлийн гээд л онош тавихаар эцэг эхчүүд толгой нь эргэдэг. Учир нь нян, вирусын нэр төрөл, тоо хэмжээг тоолж хэлэх боломжгүй. Хүүхэд нян, вирусын алинд нь ч шууд өртөх боломжтой ба дархлаа нь сайн ажиллаж байвал тэдгээрийг орж ирэнгүүт нь залгилаад хүндэрдэггүй байна.
Дархлаа сул байвал ам, хамраар дамжаад залгиур эрхтнүүд, цаашлаад уушги гээд улам хүндэрдэг байна. Вирусын халдвар авсан хүүхдийн дархлаа мууддаг учир энэ үед бусад нян, вирусыг эсэргүүцэх чадваргүй болдог учраас ханиад улам хүндэрдэг байна.
Нян, вирусын халдварыг хоол хүнс бохир гар, агаар зэргээр авч байдаг.

ЭЦЭГ ЭХЧҮҮД АНХААРААРАЙ

Хүүхэд нян, вирусыг зөвхөн цэцэрлэгээсээ авдаг юм биш. Учир нь, аав ээж, эмээ өвөө, ах эгч та өөрөө вирус тээгч. Таны дархлааны санамж, дархлаа тээсэн нян, вирусыг тань даван дийлж өвдөхгүй байх боломжтой. Та ханиад хүрээгүй, өвдөөгүй байгаа ч нян, вирус тээгч гэдгээ ухамсарлах хэрэгтэй. Өөрөөр хэлбэл та автобусанд явж байхдаа, ханиадтай хүнтэй уулзахдаа, гар барихдаа, ер нь гаднаас авч буй нян, вирусээ тээсээр гэртээ ордог. 
Улмаар хүүхдээ үнсч эрхлүүлэх, хамт тоглох төдийд та нян, вирусээ тэдэнд халдааж байдаг. 

Иймээс та гэртээ орохдоо нүүр гар, ам хамраа заавал угаа, гэрийн хувцас заавал өмс. 
Гар утсанд тань маш их нян, вирус наалдсан байгаа тул утсанд хүүхдээ ойртуулах хэрэггүй.

ХАНИАД, ХАТГАЛГААНЫ ВАКЦИН

Энэ нь дэлхийн эрүүл мэндийн салбарт хүлээн зөвшөөрөгдсөн бөгөөд вакцин хийлгэх нь насан туршийн баталгаа болж чадахгүй. Вакцин хийлгэсэн нэг жилдээ л үйлчилгээтэй. 
Вакцин тариулснаас хойш нэг сарын дараа үйлчилж эхэлдэг бөгөөд та сарын эхэнд тариулсан гэж бодвол дараа сарын эхнээс эхлэн тариулсан вакцин тань таныг хамгаалж эхэлнэ. Тийм учраас ханиад томууны улирлыг тооцож урьдчилан хийлгэх нь зөв.

ХҮҮХДИЙГ ГАДУУР БИТГИЙ ДАГУУЛЖ ЯВААРАЙ

Хүүхэд зөвхөн цэцэрлэгтээ явж, эсвэл гэртээ байдаг бол нян, вирусын халдвар авах боломж тэр хүрээндээ л яригдана. Гэтэл та хэдэн хүн цугласан газарт хүүхдээ авч очно, тэр хэмжээгээр халдвар авах магадлал нэмэгдэнэ.

САЙН УНТУУЛААРАЙ

Хүүхэд унтахад дархлааны систем нь идэвхждэг. Хүүхэд оройны 21:00-22:00 цагийн хооронд унтсан байх шаардлагатай. Учир нь хүний хангалттай нойр авах цаг 22:00-02:00 цаг байдаг байна.

ХАЛУУН БҮЛЭЭН УСАНД ОРУУЛАХ ХЭРЭГТЭЙ

Зарим эцэг, эхчүүд хүүхэд ханиадтай гээд өмссөн хувцсыг нь ч тайлахаас эмээж, хөлөрсөн хувцастай нь байлгадаг. Гэтэл тийм биш аж. Ханиадны эхний шинж тэмдэг илэрч буй яг тэр үед унтахынх нь өмнө сугаар нь татахуйц халуун бүлээн усанд 30 орчим минут суулгаад дулаан хувцаслаж, хучаад унтуулах хэрэгтэй. Халуун бүлээн ус хүний биеийн дулааныг нэмэгдүүлж, дархлааг идэвхжүүлдэг байна. Ингэснээр нян, вирустэй тэмцэх биеийн чадвар нэмэгдэнэ. 

Хүүхдийн арьсны нүх сүв онгойж, хүүхэд амгалан тайван унтах боломж бүрдэнэ. 
Энэ үед халуун усны уур хамар дахь нусыг зөөллөдөг тул хамрыг нь сайн цэвэрлэж авах хэрэгтэй.

ДАРХЛААГ НЬ ДЭМЖЭЭРЭЙ

Хүүхдийг сайн унтуулж, дуртай хоолыг нь хийж зохистой идүүлэх хэрэгтэй. Антиоксидант агуулсан нэрс, аньс, чацаргана, бусад шингэн зүйл маш сайн уулгаж, шингэнийг халуун бүлээн уулгах нь маш чухал. Мөн алим жигнэж өгч болно.

ЭМЧИЛГЭЭГ ГҮЙЦЭД ДУУСГА

Халуурсан хүүхдийн тань халуун буух төдийд бүү тайвшир. Хатгалгаа бол багадаа нэг сарын хугацаанд шимэгддэг. Энэ хугацаанд эмчилгээ, сувилгаа маш чухал. Эмч бичиж өгсөн аливаа эмийг өг гэсэн хоног хугацаанд нь өгч дуусгахгүй бол өвчин дутуу эдгэх шалтгаан болдог. Ингэснээр дахин нян, вирусын халдвар авах аятайхан хөрс бүрдэж байгаа хэрэг юм. 
Мөн олон дахин дутуу эмчлэх нь уушгины архаг өвчинд өртөх эрсдлийг өндөр болгодог байна.

ЗААВАЛ ЭМЧИД ХАНДААРАЙ

Утас, компьютерийн цаанаас эмч ч зөвлөгөө өгөхөд бэрх байдаг атал ээжүүд олон нийтийн сүлжээнд хүүхдийн биеийн байдлаа бичээд зөвлөгөө хүсэх нь элбэг. Энэ нь онлайнаар гутал захиалж авахад тэр нь таарахаас тэс өөр зүйл гэдгийг ойлгох хэрэгтэй. 
Учир нь хүүхэд бүрийн бие өөр, өвчний шалтгаан нөхцөл оо учир мэргэжлийн эмч л эдгээх эмчилгээ хэлэх ба магадгүй таны онлайн зөвлөгчийн зөвлөгөө байдлыг улам хүндрүүлэхийг үгүйсгэхгүй. Тиймээс зөвхөн эмчид хандаарай.

Эх сурвалж: ЭМЯ




ЭМЯ-наас эцэг эхчүүдэд зориулан гаргасан ЧУХАЛ ЗӨВЛӨМЖ


  2019-01-16
 
Нийтэлсэн:

Р.Адъяасүрэн

Сэтгүүлч

2019-01-16 10:45 GMT+8
Энгийн уншилт
  Товч унших

Томуу, томуу төст өвчний дэгдэлт нэмэгдэх нь тодорхой байгаа бөгөөд ид дэгдэлт нь 1-3 сард, хоёр дахь дэгдэлт нь 3-5 сард болох нь гэж үзэж байгаа талаар Эрүүл мэндийн сайд Д.Сарангэрэл мэдээлсэн.

Нийслэлийн хэмжээнд 977 хүүхдийн ор байгаа бөгөөд өнгөрсөн долоо хоногт 723 хүүхэд эмнэлэгт хэвтэж, орны ачаалал 73 хувиар нэмэгдсэн бол энэ долоо хоногт орны хэтрэлт 53.2 хувьтай байгаа аж.

Салбар яамны мэргэжилтнүүд сар шинийн баярын өдрүүдэд онцгой анхаарал хандуулахыг зөвлөөд байна. Тодруулбал, ЭМЯ-ны Шуурхай удирдлагын албаны дарга Д.Нарангэрэл, “Томуугийн тархалт нэгдүгээр сарын 3-4-нөөс эхлэн дэгдэлт хэлбэрээр гарч сүүлийн гурван жилийн дунджаас өндөр байна. Он гараад эхний долоо хоногт хоёр аймагт амьсгалын цочмог халдварын улмаас хоёр хүүхэд нас барсан.

11 аймаг, нийслэлийн хэмжээнд дэгдэлт хэлбэрээр гарсан. Эмнэлэгт хэвтэх, хүндрэх магадлалтай хүүхдийн тоо сүүлийн гурван жилийнхээс мөн өндөр байна. Өнөөдрийн байдлаар лабораторийн шинжилгээгээр томуугийн тархалтын 40 хувийг А хүрээний H1N1 вирусийн тархалт эзэлж байна” гэдгийг мэдээллээ.

Эрүүл мэндийн яамнаас гаргасан зөвлөмжийг хүргэж байна.

ХАЛУУРЧ БАЙВАЛ БҮЛЭЭН ШИНГЭН ТАСРАЛТГҮЙ ӨГӨӨРЭЙ

Хүүхэд 38, 38,5 хүртэл халуурах нь хэвийн. Өөрөөр хэлбэл хүүхдийн дархлаа нь гадны вирустай тэмцэж байгаа хэрэг. Энэ хугацаанд эцэг эх хүүхдээ сайн анхаарах хэрэгтэй.
Ингэхдээ хувцсыг нь гэрийн температурыг мэдэрч нимгэлэх, толгойд нь хүйтэн жин тавих, бүлээн шингэн тасралтгүй өгөх. Шингэн зүйл их өгөх тусам хүүхдийн халуун хөлс, шээсээр нь дамжин гадагшилдаг.

НУСЫГ ТОГТМОЛ ЦЭВЭРЛЭХ ХЭРЭГТЭЙ

Нус гоожих нь хүүхдийн дархлааны систем ажиллаж байгааг илтгэх ба хамгийн гол нь нусыг тогтмол цэвэрлэж, хүүхдийн хамрыг амьсгалахад саадгүй байхад туслах хэрэгтэй. 
Тусгай зориулалтын цэвэрлэдэг бодис, савыг ашиглаж болох ба хүүхдийг нусаа нийж сургахад анхаарах нь зүйтэй.  Нэг нас хүрсэн хүүхдэд нусаа нийх дадлыг эзэмшүүлэхийн тулд та долоо хоног тасралтгүй оролдоход ойлгоод сурч эхэлнэ.

ВИРУС БА НЯН

Эмч нар нянгийн гаралтай, вирусын гаралтай, шинэ төрлийн гээд л онош тавихаар эцэг эхчүүд толгой нь эргэдэг. Учир нь нян, вирусын нэр төрөл, тоо хэмжээг тоолж хэлэх боломжгүй. Хүүхэд нян, вирусын алинд нь ч шууд өртөх боломжтой ба дархлаа нь сайн ажиллаж байвал тэдгээрийг орж ирэнгүүт нь залгилаад хүндэрдэггүй байна.
Дархлаа сул байвал ам, хамраар дамжаад залгиур эрхтнүүд, цаашлаад уушги гээд улам хүндэрдэг байна. Вирусын халдвар авсан хүүхдийн дархлаа мууддаг учир энэ үед бусад нян, вирусыг эсэргүүцэх чадваргүй болдог учраас ханиад улам хүндэрдэг байна.
Нян, вирусын халдварыг хоол хүнс бохир гар, агаар зэргээр авч байдаг.

ЭЦЭГ ЭХЧҮҮД АНХААРААРАЙ

Хүүхэд нян, вирусыг зөвхөн цэцэрлэгээсээ авдаг юм биш. Учир нь, аав ээж, эмээ өвөө, ах эгч та өөрөө вирус тээгч. Таны дархлааны санамж, дархлаа тээсэн нян, вирусыг тань даван дийлж өвдөхгүй байх боломжтой. Та ханиад хүрээгүй, өвдөөгүй байгаа ч нян, вирус тээгч гэдгээ ухамсарлах хэрэгтэй. Өөрөөр хэлбэл та автобусанд явж байхдаа, ханиадтай хүнтэй уулзахдаа, гар барихдаа, ер нь гаднаас авч буй нян, вирусээ тээсээр гэртээ ордог. 
Улмаар хүүхдээ үнсч эрхлүүлэх, хамт тоглох төдийд та нян, вирусээ тэдэнд халдааж байдаг. 

Иймээс та гэртээ орохдоо нүүр гар, ам хамраа заавал угаа, гэрийн хувцас заавал өмс. 
Гар утсанд тань маш их нян, вирус наалдсан байгаа тул утсанд хүүхдээ ойртуулах хэрэггүй.

ХАНИАД, ХАТГАЛГААНЫ ВАКЦИН

Энэ нь дэлхийн эрүүл мэндийн салбарт хүлээн зөвшөөрөгдсөн бөгөөд вакцин хийлгэх нь насан туршийн баталгаа болж чадахгүй. Вакцин хийлгэсэн нэг жилдээ л үйлчилгээтэй. 
Вакцин тариулснаас хойш нэг сарын дараа үйлчилж эхэлдэг бөгөөд та сарын эхэнд тариулсан гэж бодвол дараа сарын эхнээс эхлэн тариулсан вакцин тань таныг хамгаалж эхэлнэ. Тийм учраас ханиад томууны улирлыг тооцож урьдчилан хийлгэх нь зөв.

ХҮҮХДИЙГ ГАДУУР БИТГИЙ ДАГУУЛЖ ЯВААРАЙ

Хүүхэд зөвхөн цэцэрлэгтээ явж, эсвэл гэртээ байдаг бол нян, вирусын халдвар авах боломж тэр хүрээндээ л яригдана. Гэтэл та хэдэн хүн цугласан газарт хүүхдээ авч очно, тэр хэмжээгээр халдвар авах магадлал нэмэгдэнэ.

САЙН УНТУУЛААРАЙ

Хүүхэд унтахад дархлааны систем нь идэвхждэг. Хүүхэд оройны 21:00-22:00 цагийн хооронд унтсан байх шаардлагатай. Учир нь хүний хангалттай нойр авах цаг 22:00-02:00 цаг байдаг байна.

ХАЛУУН БҮЛЭЭН УСАНД ОРУУЛАХ ХЭРЭГТЭЙ

Зарим эцэг, эхчүүд хүүхэд ханиадтай гээд өмссөн хувцсыг нь ч тайлахаас эмээж, хөлөрсөн хувцастай нь байлгадаг. Гэтэл тийм биш аж. Ханиадны эхний шинж тэмдэг илэрч буй яг тэр үед унтахынх нь өмнө сугаар нь татахуйц халуун бүлээн усанд 30 орчим минут суулгаад дулаан хувцаслаж, хучаад унтуулах хэрэгтэй. Халуун бүлээн ус хүний биеийн дулааныг нэмэгдүүлж, дархлааг идэвхжүүлдэг байна. Ингэснээр нян, вирустэй тэмцэх биеийн чадвар нэмэгдэнэ. 

Хүүхдийн арьсны нүх сүв онгойж, хүүхэд амгалан тайван унтах боломж бүрдэнэ. 
Энэ үед халуун усны уур хамар дахь нусыг зөөллөдөг тул хамрыг нь сайн цэвэрлэж авах хэрэгтэй.

ДАРХЛААГ НЬ ДЭМЖЭЭРЭЙ

Хүүхдийг сайн унтуулж, дуртай хоолыг нь хийж зохистой идүүлэх хэрэгтэй. Антиоксидант агуулсан нэрс, аньс, чацаргана, бусад шингэн зүйл маш сайн уулгаж, шингэнийг халуун бүлээн уулгах нь маш чухал. Мөн алим жигнэж өгч болно.

ЭМЧИЛГЭЭГ ГҮЙЦЭД ДУУСГА

Халуурсан хүүхдийн тань халуун буух төдийд бүү тайвшир. Хатгалгаа бол багадаа нэг сарын хугацаанд шимэгддэг. Энэ хугацаанд эмчилгээ, сувилгаа маш чухал. Эмч бичиж өгсөн аливаа эмийг өг гэсэн хоног хугацаанд нь өгч дуусгахгүй бол өвчин дутуу эдгэх шалтгаан болдог. Ингэснээр дахин нян, вирусын халдвар авах аятайхан хөрс бүрдэж байгаа хэрэг юм. 
Мөн олон дахин дутуу эмчлэх нь уушгины архаг өвчинд өртөх эрсдлийг өндөр болгодог байна.

ЗААВАЛ ЭМЧИД ХАНДААРАЙ

Утас, компьютерийн цаанаас эмч ч зөвлөгөө өгөхөд бэрх байдаг атал ээжүүд олон нийтийн сүлжээнд хүүхдийн биеийн байдлаа бичээд зөвлөгөө хүсэх нь элбэг. Энэ нь онлайнаар гутал захиалж авахад тэр нь таарахаас тэс өөр зүйл гэдгийг ойлгох хэрэгтэй. 
Учир нь хүүхэд бүрийн бие өөр, өвчний шалтгаан нөхцөл оо учир мэргэжлийн эмч л эдгээх эмчилгээ хэлэх ба магадгүй таны онлайн зөвлөгчийн зөвлөгөө байдлыг улам хүндрүүлэхийг үгүйсгэхгүй. Тиймээс зөвхөн эмчид хандаарай.

Эх сурвалж: ЭМЯ



Холбоотой мэдээллүүд
  • Шинэ мэдээ

  • Их уншсан

  • Их сэтгэгдэлтэй





Хөгжүүлэлт хийгдэж байна. Тун удахгүй танд хүрэх болно.

Та яг одоо вэбсайтын сайжруулалтын альфа хувилбарыг үзэж байна. Энэхүү хэсэг бүрэн дуусаагүй байгаа бөгөөд тун удахгүй танд хүрэх болно.

Санал хүсэлт илгээх

Та өөрт бодогдож байгаа зүйлсийг бидэнтэй илэн далангүй хуваалцахыг хүсэе. Таны санал бидний хөгжүүлэлтийн ажилд маш их тус хүргэх юм.
Танд баярлалаа.

0%
  Товч унших

Дараагийн мэдээ